Попоски: Над милион садници и нови електрични возила и автобуси во Скопје

Kандидатот за пратеник и носител на листата на кандидати за пратеници од коалицијата предводена од ВМРО ДПМНЕ во ИЕ1, Никола Попоски денеска изјави дека со цел подобрување на животната средина во град Скопје во следниот период  ќе бидат засадени над милон садници и ќе бидат набавени електрични возила и електрични автобуси.

- Во следниот период во Скопје предвидуваме над милон садници низ целата територија на градот. Имаме предвидено субвенции за електрични возила, ќе воведеме 50 електрични автобуси во Скопје, доплнително на тоа ќе направиме субвенции за користење на системи за греење со пелети, изјави Попоски.

Посочи дека сето тоа треба постепено да ја подобрува атмосферата и климата во Скопје.

- Ние не се занимаваме со раскажување приказни, како некои кој никогаш не решиле ниту еден проблем, а знаат за се да кажат што чини што не чини. Треба да сме реални, тоа што можеме тоа да го направиме и сигурен сум дека во вистинска насока ќе одат работите, додаде Попоски.

Тој, исто така, најави дека е планирано продолжување на жичницата од болницата Козле до врвот на Водно.