„Рено“ падна во провалија во близина на Македонска Каменица - едно лице тешко повредено
Вчера околу 21:20 часот на локалниот пат Македонска Каменица - село Моштица, случена е сообраќајна незгода во која Б.Ц. (22) од Македонска Каменица, управувајќи автомобил „Рено Меган“ со регистарски ознаки од Македонска Каменица изгубил контрола над возилото, излетал од патот и паднал во провалија длабока околу четири метри.
Во незгодата сопатничката од возилото С.Ѓ. (28) од Македонска Каменица, се здобила со фрактури на лева клучна коска и плешка, нагмечување на граден кош и глава и била пренесена и задржана на лекување во Медицинскиот центар во Штип.
Увид на местото на настанот извршила екипа од Полициската станица во Делчево.
Се работи на целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
