Јакимовски до Заев: Сите графолози на светот нема да те спасат кога ќе го покажам ливчето
Претседателот на ГРОМ Стевчо Јакимовски смета дека Зоран Заев, претседателот на СДСМ не може да го обвинува дека се продал за пари, кога тој, како што вели бил снимен како бара пари, а и, како што вели и од него барал 250 илјади евра.
Побара Заев да му одговори дали барал од него 250 илјади евра. – Ми даде ливче или не? Кога ќе го покажам ливчето сите графолози на светот нема да те спасат, рече претседателот на ГРОМ одговарајќи на синоќешните обвинувања од Заев.
Јакимовски од Заев побара да одговори и зошто во Струмица има само 34, а во Карпош 319 проекти.
Му порача дека кога следен пат ќе сака да одржи митинг во Карпош, тој, како што рече, лично ќе му обезбеди да говори пред карпошани, а не како вчера пред триста скопјани, кои најмалку биле карпошани.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
