Божиновска: Битката почнува оваа вечер
Од минута во минута се повеќе граѓани се собираат пред Државната изборна комисија вечерва, граѓаните бараат да се признаат изборите и да не се дозволи изборен фалсификат. Валентина Божиновска упати порака дека битката за Македонија почнува оваа вечер и доколку не се признаат изборите масата народ ќе остане пред ДИК.
-Да ги поздравам бранителите, оваа вечер е вечер на ножевите, оваа вечер е вечер или на разумот или на лудилото на еден човек. На последниот Македонски предавник Зоран Заев. ВМРО- ДПМНЕ никогаш не бил против албанскиот народ. Не заборавајте дека и за бајрам и за бадник доаѓаат и честитаат. Зоран Заев, се дрзнеш ли со ВМРО -ДПМНЕ ќе добиете народ ќе добиете Македонија. Домот ќе ни биде пред ДИК, со шатори…
Ќе се случи еден ден во кој ќе кажеме елате браќа и сестри да се собереме и тргнеме, да видиме кој ќе ни биде цар, а кој шпион. Да знае и Чичаковски и Дума оваа вечер со два куршума ги убиваат и Гоце и Ченто. Браќа и сестри битката почнува од оваа вечер, порача пред масата народ собрана пред ДИК Валентина Божиновска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа