Снежниот бран продолжува - се очекува снег до 30 сантиметри
Времето утре во Македонија ќе биде претежно облачно со повремени врнежи од снег, во источните и јужните делови претпладне поинтензивни. Снежната покривка од овој снежен бран насекаде ќе се зголеми, на места за 20 до 30 см. На запад врнежите претпладне постепено ќе престануваат, а до крајот на денот ќе завршуваат и на исток.
Утринската температура ќе се движи од минус шест до еден, а дневната од минус три до два степена.
Во Скопје слично време, претежно облачно со повремен снег. Утринската температура ќе се спушти до минус два, а дневната ќе се искачи до нулата.
Во петок и за време на викендот времето ќе биде стабилно, а утринските температури ќе бидат во опаѓање.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
