Две страшни несреќи во Скопје
Во 3 часот и 20 минути во полиција од болница било пријавено дека во 18 часот и 45 минути, во Градската општа болница „8-Ми Септември“ донесени биле 26-годишниот С.Р. од Скопје и М.Р.
Имено, С.Р. управувајќи мотоцикл удрил во пешакот С.Р., кој се здобил со тешка телесна повреда. Истиот е задржан на Одделението за Неврохирургија на понатамошно лекување.
Истиот ден нешто порано, околу 17 часот и 45 минути, на обиколница помеѓу населбата Шуто Оризари и Магистрала, се случила сообраќајна незгода во која 25-годишниот Б.Ш. од селото Танушевци, скопско, управувајќи возило „Голф“ со скопски регистарски ознаки изгубил контрола и излетал од патот во провалија.
Во Ургентен центар бил донесен возачот кај кого, од страна на лекар, биле констатирани тешки телесни повреди, по што е задржан на понатамошно лекување.
Увид на местото на настанот извршила увидна екипа на СВР Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа