Роденден во скопско Радишани се претвори во хорор
Во 02 часот по полноќ во ЕИК-Скопје, Т.Т. од населба Радишани-Скопје, пријавила дека околу 22 часот и 15 минути додека прославувале роденденска забава на нивното дете во дворот од семејната куќа во Радишани, во еден момент пристигнала поголема група на малолетни лица кои започнале недолично да се однесуват, а потоа почнале и да пцујат и да се закануват дека сите ќе ги убијат и ќе ја запалат куќата.
Во еден момент неколку од малолетните лица се приближиле до нивното патничко моторно возило „Пежо 206“ и почнале да го удират со раце и нозе при што истото го оштетиле. Трите малолетни лица цело време додека го кршеле нивното возило се заканувале дека ќе ги убијат и ќе им ја запалат куќата. Од нивното агресивно однесување семејството заедно со присутни што биле на роденденската прослава се повлекло во внатрешноста на дворот.
Се превземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа