Сообраќајка во Тетово - едно лице итно префрлено на Ургентен
Вчера во 9 часот и 30 минути на булевар „Видое Смилевски Бато“ во Тетово се случила сообраќајна незгода, во која 24-годишниот М.А. од Тетово, управувајќи патничко возило „Пасат“ со скопски регистарски ознаки, удрил во 66-годишниот Р.Р. од Тетово. Во незгодата пешакот се здобил со тешки телесни повреди и по укажаната лекарска помош во Клиничка болница Тетово бил пренесен и задржан на лекување во Ургентен центар Скопје. Увид на местото на настанот извршила екипа од СВР Тетово.
Истиот ден во 12:00 часот на регионалниот пат село Желино-село Сиричино во Тетово се случила сообраќајна незгода помеѓу патничко возило „Фиат Пунто“ со тетовски регистарски ознаки, управувано од 36-годишниот А.Л. од село Копанце и патничко возило „БМВ“ со тетовски регистарски ознаки, управувано од 42-годишниот Б.Б. од село Озормиште. Во незгодата со тешки телесни повреди се здобила А.Л., возач на возилото „Фиат Пунто“, која по укажаната лекарска помош во Клиничка болница Тетово била пренесена и задржана на лекување во Ургентен центар Скопје. Возачот на „БМВ“-то и 41-годишната сопатничка А.Б.од село Озормиште се здобиле со телесни повреди и биле задржани на лекување во Клиничка болница Тетово биле. Увид на местото на настанот извршила екипа од СВР Тетово.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа