ВМРО-ДПМНЕ: Владата на СДС продолжува да создава хаос низ државата

Владата на СДС продолжува да создава хаос низ државата, обвинуваат од ВМРО-ДПМНЕ.

-Со последната одлука на СДС за измените во Агенцијата за катастар на недвижности, каде најавија максималната цена да биде минимална цена како и укинувањето на можноста за 50% намалување на цените на услугите министерот Сугарески фактички објави зголемување на цените на услугите на приватните геодетски фирми за минимум 50%. Сегашната минимална граница ќе биде максимална граница додека максимална граница воопшто нема да постои. Имајќи во предвид дека во поедини градови во Република Македонија има една или ниедна геодетска фирма цената на услугите во тие градови може да се покачи дури и за повеќе од 100%.  Владата на СДС единствено размислува како да си ги засити своите апетити, без да мислат за социјално ранливите категории на граѓани. За тоа најдобар пример е и со што СДС најави враќање на делот на надлежности кои што ги имаат Агенцијата за катастар и недвижности на приватните геодетски фирми. Фактички тоа значи укинување на бесплатните геодетски елаборати за социјалните категории на граѓани, и укинување на бесплатните геодетски елаборати за  граѓаните од поплавените подрачја. СДС и Заев поради непосветеноста и негрижата за граѓаните се прочитана книга, конечниот суд ќе го видат на претстојните локални избори каде жестоко ќе бидат поразени, стои во соопштението на ВМРО-ДПМНЕ.