Инстаграм има сериозен проблем - хакирани профили, бидете внимателни

Грешка во Инстаграмовиот АПИ, систем за програмирање апликации овозможи, се уште на непознати хакери да упаднат на Инстаграм профилите на познатите личности и да дојдат до нивните броеви од телефонот и имејл адреси.

Иако Инстаграм призна дека една или повеќе личности оствариле неовластен пристап на поголем број профили на високо профилирани Инстаграм корисници и нивните контакт информации, користејќи баг во Инстаграмовиот АПИ, сепак не сакаа да наведат кои ѕвезди биле хакирани во нападот.

Сигурно е дека на удар бил профилот на американската пејачка и актерка Селена Гомез, која ја следат повеќе од 125 милиони корисници.

На нејзниот профил осамнаа слики од гол Џастин Бибер, кој воедно е нејзино поранешно момче.

Од компанијата велат дека биле известени сите корисници кои имаат верификувани профили и ги советувале да бидат внимателни ако почнат да добиваат повици, пораки или имејли од непознати броеви.

Не е познато дали хакерите напаѓале само некои профили на познати личности или сите сопственици на верификувани профили се на удар.