Груевски: Нов циклус на изградба на најмалку 3 нови автопати

-Брз, сигурен, безбеден и ефикасен транспорт се карактеристики на новата ера. Капиталните инвестиции во инфраструктурата мора да растат по обем од година во година како што растеа во изминативе 10 години, изјави Никола Груевски во своето обраќање.

-Проектите треба да се завршуваат и да се отпочнуваат нови. Треба да создадеме услови граѓаните да може да патуваат од својот град кон другите градови за не повеќе од 80 минути! Исклучок од оваа максима се градовите на крајните точки на државата кои до градовите кои се други крајни точки на државата треба да патуваат за не повеќе од 120 минути. Тоа значи нов циклус на изградба на најмалку 3 нови автопати, покрај завршувањето на 3 автопати кои во моментот се градат но со значително намалено темпо, рече Груевски.