Претепан кавадарчанец бидејќи се бунел дека кози му влегле во лозјето
Шеесетгодишен кавадарчанец е претепан зашто се бунел дека кози му влегле во лозјето, информира СВР Велес.
Случајот е пријавен како „нарушување ред и мир“, а лицето е донесено во општа болница Кавадарци со сериозни повреди во пределот на главата и скршеници на двете подлактици.
Ова го потврди и Драги Јованов, раководител на хируршкото одделение во болницата.
- Повредениот е свесен и под контрола, но најверојатно, во придружба на анестезиолог и сестра, ќе биде транспортиран во Клиничкиот центар Скопје за дијагностицирање поради повредите на главата. Се преземаат сите мерки за стабилизација, соопшти Јованов.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
