Му вперил пиштол и пукал - неготинчанец итно донесен на скопските Клиники
Триесет и седумгодишниот Л.С. жител на село Чегране вчера во 15 часот и 33 минути кај местото викано „Гропа“ во атар на село Неготино-Гостивар, по расправија со 33-годишниот Е.Е. од истото село кој напасувал овци, му го доближил пиштолот до десната дланка на Е.Е и испукал еден куршум, при што го ранил, а потоа побегнал.
МВР информира дека по укажаната лекарска помош во Медицински центар Гостивар, Е.Е е пренесен во Клиниката за пластична хирургија во Скопје.
Увид на лице место извршила екипа од Секторот за внатрешни работи Тетово.
Причината најверојатно е претходно извршен физички напад од страна на Е.Е. врз братот на напаѓачот.
Се преземаат мерки за расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа