Скопјанка заврши во болница: Љубоморниот сопруг ја нападнал на спиење

Скопјанката А.Д.синоќа во полициска станица го пријавила својот сопруг кој физички ја нападнал.

Како што информираат од полицијата 37-годишната скопјанка пријавила дека додека спиела во семејниот дом, нејзиниот сопруг, 41-годишниот А.Д. обвинувајќи ја за наводна љубовна врска се нафрлил врз неа удирајќи ја со тупаници по главата и телото.

-Откако пријавителката успеала да се ослободи од сопругот си заминала кај нејзините родители, а потоа и пријавила во полиција. Бидејќи оштетената не се чувствувала добро побарала лекарска помош во Градската општа болница „8 Септември“. Пријавителката посочила дека сопругот и претходно ја малтретирал, но дека истата досега не го пријавувала, информираат од МВР.