Тешка сообраќајка во Македонија - возило излета од патот и се преврте
На регионалниот во близина на крстосницата село Црничани - Богданци, вчера околу 12:30 часот, 29-годишниот А.С. од Скопје управувајќи товарно моторно возило „Фиат Добло Карго“ со скопски регистарски ознаки изгубил контрола над возилото, коешто излегло надвор од коловозната лента и се превртело.
Во незгодата со тешки телесни повреди се здобил А.С., кој по укажаната лекарска помош во Медицински центар Гевгелија е пренесен во Комплекс клиники „Мајка Тереза" Скопје на понатамошно лекување, додека сопатникот, 33-годишниот Д.П. од Скопје, се здобил со телесни повреди.
Извршен е увид на местото на настанот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
