Во болнички тоалет во Гостивар пронајден пиштол и пари
Вработен во Општата болница „Ферид Мурад“ во Гостивар вчера попладне нашол пиштол и пари оставени во тоалет во едно од болничките одделенија.
По пријавата, полициски службеници утврдиле дека станува збор за пиштол „Црвена застава М-57“ калибар 7,62 милиметри со осум куршуми, футрола и три банкноти од евра и денари.
По проверките, утврдено е дека пиштолот е сопственост на 68- годишниот И.С од гостиварското село Мало Турчане. Тој пиштолот го поседувал со дозвола, а според неговото кажување, пиштолот и парите ги заборавил на местото каде што се најдени, соопшти полицијата.
Полицијата врши проверки и го расчистува случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
