Несреќа во Скопје: Излетал од улицата и удрил во бетонска шахта
Вчера во 23:30 часот во Скопје на сервисната улица која ги поврзува регионалниот пат Скопје-ХЕЦ Козјак со ЈП „Дрисла“, патничко моторно возило „Лада“ со скопски регистерски таблици управувано од 27-годишниот Е.З. од Скопје излетало од коловоз и удрило во одводна бетонска шахта за атмосферски води.
Од незгодата со телесни повреди се здобил возачот Е.З. и сопатникот, 23-годишниот З.Б. од Скопје, и со друго возило биле пренесени во Градската општа болница „Свети Наум Охридски“ за укажување на лекарска помош.
Бил извршен увид на местото на настанот и се работи на целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
