Несреќа во Тетово - мотоциклист излета од патот и се удри во жардиниери

Вчера во 14:20 часот на улицата „Иво Лола Рибар“, пред  крстосница со улицата Поточка“, мотоцикл „Кавасаки“ без регистарски таблици,  управуван од 24-годишниот Ф.Х. од Тетово, со место на живеење село Селце, излетал од патот и удрил во жардиниери.

 Од ударот со повреди се здобила сопатничката на мотоциклот, 18-годишната Д.Х. од село Слатино. 

Таа со друго возило била пренесена во Клинички центар Тетово и по укажаната лекарска помош била задржана за понатамошно лекување. 

Увид на местото на настанот извршила увидна екипа од СВР Тетово.