Ауди се заби во автомобил: Страшна сообраќајка во Македонија, има повредени
На регионалниот пат село Лисиче – село Дреново, општина Чашка утрово се случила сообраќајна несреќа во која со повреди се здобил возачот на едно од возилата.
Во сообраќајката учествувале автомобил марка „ауди“ со велешки регистарски броеви управуван од 36-годишниот С.К. од село Долно Јаболчиште – општина Чашка и патнички автомобил марка „Мерцедес “ со велешки регистарски броеви управуван од 73-годишниот В.Т. од Велес.
- Во незгодата со повреди се здобил возачот на патничкиот автомобил „Ауди“ кој со возило на брза помош е пренесен во ЈЗУ Општа болница - Велес каде му е укажана лекарска помош и се констатирани телесни повреди и истиот е пуштен на домашно лекување, појасни Верољуб Додевски портпарол на СВР Велес.
Увид на местото на настанот извршила екипа од СВР Велес.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
