Возачот починал: Возило се заби во столб во кумановско

Во 21.20 часот на регионален пат Куманово-село Липково, во селото Опае, 20-годишниот М.А.  управувајќи патничко возило „Форд-Фокус“ со кумановски регистарски ознаки, изгубил контрола над возилото, излетал од патот и удрил во бетонски столб. 

Притоа, со повреди се здобиле возачот М.А. и сопатникот и сопатникот А.Е., кои биле пренесени во Општа болница Куманово. По укажаната помош, поради сериозноста на повредите, двајцата биле пренесени во Ургентен центар при комплексот клиники „Мајка Тереза“ во Скопје

На полноќ  М.А. починал, а по наредба на Јавен обвинител телото било дадено на обдукција. Увид на местото на настанот извршила екипа од СВР Куманово.