АМСМ: Сообраќајка попладнево во Македонија - сообраќајот целосно во прекин

Поради сообраќајна незгода на патниот правец Демир Хисар – Кичево, кај селото Бабино, сообраќајот е во прекин, информираат од Авто-мото сојузот на Македонија.

Од АМСМ препорачуваат внимателно возење, прилагодена брзина на движење и почитување на поставената сообраќајна сигнализација.

Во клисурите и засеците можна е појава на одрони, па затоа возачите мора особено да внимаваат на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.