Беровачанец пронашол граната во една од собите дома

Во 16.30 часот во Полициската станица Берово, 40-годишниот В.А. од Берово пријавил дека  при  ископ на земја од приземјето во неговата куќа на улицата„ Моша Пијаде“ во Берово, во една од собите пронашол една артилериска граната со калибар од 75 мм, со непознато потекло.

Увид на местото извршила екипа од Полициската станица Берово, а експлозивната направа била подигната од инспектор  од  Дирекцијата за заштита и спасување во Берово.