Страшна сообраќајка во Скопје: Судир меѓу мотоцикл и автомобил - едно лице загина
Во Секторот за внатрешни работи Скопје вчера во 19:30 часот било пријавено дека на локалниот пат село Кадино – село Марино се случила сообраќајна незгода вo која учествувале патничко моторно возило „Алфа Ромео“ со скопски регистерски ознаки управувано од 37-годишниот А.Ѓ. од село Петровец, скопско и моторцикл „Сузуки“, управуван од 32-годишниот Т.В. од село Кадино, скопско.
Во незгодата со тешки телесни повреди се здобил Т.В. и со возило на Итна медицинска помош бил пренесен во Градската општа болница „Свети Наум Охридски“ каде во 22 часот починал.
А.Ѓ. и сопатникот од возилото, 44-годишниот Н.Б. биле пренесени во комплекс клиники „Мајка Тереза“ и од страна на лекар на возачот му биле констатирани тешки телесни повреди, а на сопатникот телесни повреди. Извршен е увид на местото на настанот. Се работи на расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
