Од дуќан украдени 8.000 евра - македонската полиција ги бара крадците
Во текот на вчерашниот ден во 07:20 часот телефонски во Полициската станица -Виница, 32-годишниот Г.М. пријавил дека на 20/21.09.2018 година во времето од 20,30 до 07,20 часот, непознат сторител извршил тешка кражба во продавница за бела техника и санитарија, лоцирана во приземниот дел во зграда во Виница, сопственост на 62-годишниот С.М од Виница.
Од фиока од работно биро одземени се 1.651 денари, а потоа од канцеларијата одземен е метален сеф (во кој имало 6.910 евра и 49.651 денари).Истиот ден, во 17,45 часот телефонски во ПС-Виница, Н.Т. од Виница , пријавил дека во атар на с.Виничка Кршла пронашол метален сеф со видливи оштетувања од насилно отварање во пределот на бравата.
Се преземаат мерки за пронаоѓање на сторителот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
