Несреќа во Скопје, возило излета од патот - пожарникари ги вадеа мртвите тела

Вчера на локалниот пат Катланово-Бадар се случила тешка сообраќајна несреќа, во која две лица загинале, информираат од МВР.

Во близина на мостот на реката Пчиња, возило излетало од патот. По пријавата, интервенирала екипа на Бригадата за противпожарна заштита Скопје извадила патничко возило „Фиат Мултипла“ со скопски регистарски ознаки, а во него имало две починати лица.

Се работи за лицата З.Н.(39) од Скопје и С.П.(22) од Скопје. Смрт констатирал лекар од итна медицинска помош. По наредба на Јавен обвинител, телата на починатите биле предадени за обдукција.