Полицијата влезе во објект во Тетово
При претсрес и контрола на угостителски објект без фирма, синоќа полицијата во Тетово пронашла и одзела 6.200 денари и два апарати за игри на среќа.
Како што информираше портпаролот на СВР Тетово Марјан Јосифовски, објектот кој се наоѓа на улицата „Мурат Бафтијари“ во Тетово е во сопственост на А.М.(49) од гостиварско Србиново.
Според неговите податоци, контролата била извршена околу 23 часот, а парите биле пронајдени во апаратите марка „Апекс“ што со потврда биле одземени.
-Против сопственикот, по целосното расчистување на случајот ќе биде поднесена пријава за незаконско приредување игри на среќа, рече Јосифовски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
