Започна „Појадок на мост“ - се очекуваат 2.500 посетители

Денеска  2.500 граѓани се дел од четвртиот „Појадок на мост“ кој се оддржува на два моста - на Камениот и на мостот Око.

Организатори на манифестацијата се Град Скопје и Средното угостителско училиште „Лазар Танев“. За да влезат, граѓаните мора со себе да го понесат и претходно обезбедениот бесплатен билет.

На двата моста ќе бидат поставени маси и столчиња. Манифестацијата ќе ја помогнат голем број донатори - ресторани, пекари, маркети, производители и увозници на храна и пијалаци. Појадокот се состои од сувомесни и млечни производи спакувано по ХАЦЦП стандардите. Оброкот ќе биде безбеден и прилагоден на условите каде што ќе се послужува.

Присутните гости ќе ги забавуваат улични музичари, а манифестацијата ќе трае до 11 часот.