Ограбена жена од Велес - брзата интервенција на полицијата ги запрела крадците
Две маскирани лица утрово ограбиле 68-годишна жена одземајќи и 70 илјади денари. СВР-Велес информира дека утрово околу 07.30 часот, две маскирани лица влегле во куќа на улица „Вера Циривири“ во месноста „Потокот“ во Велес и од сопственичката на куќата 68-годишната Б.М. со закана, а по извршено пребарување на куќата и одзеле ќесе во кое имало над 70 илјади денари, а по што, го напуштиле местото на настанот.
Како што појаснува портпаролот Верољуб Додевски, по брзата интервенција на полициските службеници, најдени се двајцата сторители на грабежот Е.М.(22) и 16-годишно малолетно лице, а кои се лишени од слобода.
– При претрес кај нив се пронајдени одземените пари и истите се вратени на оштетената. По целосно документирање на случајот против сторителите ќе биде поднесена кривична пријава, информира Додевски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
