СДСМ: Продолжува грижата за земјоделците- исплатени 80 осто од субвенциите за тутунот

Продолжува грижата за земјоделците и тутунопроизводителите. Исплатени се над 80 отсто отсто од субвенциите за предаден тутун. На над 26.000 тутунопроизводители исплатени им се над 27 милиони евра,  соопштуваат СДСМ.

„Исплатата на субвенциите за тутунот се реализира на еден месец пред почетокот на новата производствена реколта за 2019-та и овие пари тутунарите ќе можат да ги реинвестираат воновото производство на тутун.

И за оваа реколта се применува новиот модел на субвенционирање на три нивоа, односно субвенцијата за прва класа тутун изнесува 80 денари за килограм, 70 денари за втора класа и 60 денари за трета класа и дополнителните класи“ стои во нивното соопштение.

Од партијата наведуваат дека откупот на тутунот за реколтата 2018 е целосно завршен и повторно остварени се високи откупни цени, а просечната цена за предаден килограм тутун изнесуваше 214.24 денари.

„Министерството за земјоделство, шумарство и водостопанство продолжува со неселективна и навремена исплата на субвенциите со цел земјоделците парите да ги добиваат тогаш кога им се најпотребни за подготвени да ја дочекаат производствената сезона“ велат од СДСМ.