СДСМ: Ги зголемуваме платите и го враќаме достоинството на работниците

Со реални економски политики и мерки растат платите, минималната плата зголемена за над 60 проценти за само 2 години. Ова го велат денеска преку соопштение до јавноста СДСМ.

- Минималната плата во кожарската, текстилната и чевларската индустрија, со новото зголемување е покачена за над 60 проценти. Сега вработените во овие сектори ќе земаат плата повисока за 5.500 денари месечно, односно за 66 илјади денари годишно. Политиките на СДСМ кои обезбедуваат раст на платите и повеќе пари кај граѓаните се на прав пат, ветувањата се реализираат.  Минималната плата во сите сектори се зголемува на историски највисоко ниво досега од  14.500 денари. СДСМ враќа пари кај граѓаните, кај работниците, наместо за споменици и жални врби како што тоа се правеше повеќе од 10 години. СДСМ го враќа достоинството на работниците и втор пат во текот на својот мандат ја зголемува минималната плата, откако ја покачи за 3.500 денари, од 9 на 12.500 денари, велат тие.

Зголемувањето на минималната плата ќе ја намали сиромаштијата кај вработените и ќе го поттикне растот на сите плати.

- СДСМ како одговорна партија останува посветена на мерките што обезбедуваат економски раст, поголеми плати, повеќе пари и повисок животен стандард за сите граѓани, додаваат од владејачката партија.