СДСМ: Мицкоски да каже што финансирале фирми на Камчев

Христијан Мицкоски и ВМРО-ДПМНЕ со денови молчат на јавно поставени прашања поврзани со кампањата на Гордана Сиљановска за претседателските избори.Ова денеска го велат од СДСМ.

- Наместо бледи соопштенија од белиот дворец, ВМРО-ДПМНЕ и Мицкоски треба да излезат пред јавноста и да одговорат: Што финансирале фирми на Орце Камчев за ВМРО ДПМНЕ? Дали долгот има врска со рекет во самата ВМРО-ДПМНЕ?, велат СДСМ.

Додаваат дека најновата афера во ВМРО ДПМНЕ мора да се расчити до крај од надлежните институции, особено што е поврзан и со фирми на Орце Камчев, осомничен во предмети на СЈО.