ВМРО-ДПМНЕ: Наместо со право, Русковска се бавеше со политика

Вчера македонскиот народ маршираше за право и правда. Mаршираше против неправдата и против се што Вилма Русковска направи изминатите 3 години, велат во реакција од ВМРО-ДПМНЕ по изјавата на Рускоска.

„Изминатите три години Русковска работеше исклучиво по насоките на Зоран Заев. Невини луѓе сместуваше во затвор само заради тоа што први го кренаа гласот против неправдата која ја донесе нејзиниот шеф. Наместо да покрене обвиненија против главата на октоподот, таа служеше да го амнестира криминалот на Зоран Заев и неговата рекетарска банда. Наместо со право, Русковска се бавеше со политика. Впрочем и самата се пофали дека присуствувала на протести организирани од СДСМ во рекетарската 1 ТВ. Во судница сега прави се само да не се открие кој е главата на октоподот. Нејзина единствена мисија во случајот „Рекет“ е имињата на Зоран и Вице Заев да не се слушнат во судница, да не бидат повикани на распит и да не завршат зад решетки каде впрочем и одамна припаѓаат“ велат од ВМРО- ДПМНЕ.

Од партијата наведуваат дека правдата можеби е спора, но не е недостижна.

„По 12 април Македонија повторно ќе биде правна држава, ќе одговараат сите кои се огрешиле пред законот како и оние кои наместо да го гонат се ставија во одбрана на криминалот“ стои во соопштението на ВМРО-ДПМНЕ.