Нејмар третпат ја тужи Барселона
„Мундо Депортиво“ објави дека бразилската фудбалска ѕвезда по третпат ја тужи Барселона, овојпат барајќи 6,5 милиони евра поради данокот за „фиктивни договори“ што сам мораше да го плати. Претходните две, кои не се решени, се однесуваат на лојалноста што ја имаше кон клубот.
Нејмар од 2017 година е член на ПСЖ, но неговата сага со Барселона сè уште трае. Бразилецот пред три години реши да замине од „Камп Ноу“ и да ја прифати 222 милиона евра вредната понуда на „светците“. Меѓутоа „конекцијата“ со Барса остана.
Медиумите забележуваат дека Нејмар ја тужи Барселона по секој неуспешен обид за враќање на „Камп Ноу“, но Бразилецот не сака така лесно да дигне раце од пари за кои е убеден дека има право.
Нејмар настапуваше за Барселона од 2013 година до 2017 година и во тој период одигра 185 меча и постигна 106 гола.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
