Започна евакуацијата: По предупредувањето за цунами нов земјотрес од 8 степени кај Нов Зеланд
Нов, уште посилен земјотрес вечерва го погоди Нов Зеланд, овојпат со јачина од 8,0 степени според Рихтеровата скала.
Земјотресот се случил околу 20.30 часот, а неговиот епицентар бил северно од Нов Зеланд, на длабочина од 10 км, во близина на островот Рангитохуа. Овие острови припаѓаат на Нов Зеланд и се наоѓаат на скоро 2 000 километри југозападно од Самоа и над 6 800 километри од Хаваи.
Издадено е предупредување за цунами за североисточниот брег на Нов Зеланд, а цивилната заштита им нареди на жителите „веднаш да се преселат во најблиските ридови или што е можно подалеку од копно“.
Четири часа претходно, Нов Зеланд беше погоден од друг силен земјотрес со јачина од 7,2 степени според Рихтеровата скала.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа