Македонските рисови на утрински тренинг- во недела ќе играат против Австрија

Македонските фудбалски репрезентативци утринава одржаа тренинг на стадионот Стеауа во Букурешт пред стартот на Европското првенство.

На тренингот главен акцент беше ставен на менталната подготовка и задржување на позитивната атмосфера во тимот на селекторот Игор Ангеловски.

Македонија се подготвува за првиот натпревар против селекцијата за Австрија кој е закажан за во недела, 13-ти јуни со почеток од 18 часот.

Репрезентацијата на Македонија е дел од Ц-групата каде се сместени и репрезентациите на Холандија и на Украина.