Мистериозен авион се појави на Google Maps – воздухопловните сили тврдат: Ова е феномен

Наводно на Google Maps во Австралија се појавил преглед на патнички авион, а никој не е сигурен како стигнал таму.

Патничкиот авион, кој малку личи на Ербас А320, се чини дека слетал на јужната страна на планинскиот гребен северо-источно од планината Лич.

Сепак, тешко е да се каже дали авионот е комерцијален бидејќи се чини дека нема видливи ознаки на него.

За чудната глетка проговори Управата за безбедност на цивилното воздухопловство.

„Немаме извештаи за исчезнат патнички авион. Се чини дека постои феномен наречен слики од духови и за ова може да се работи“, велат тие.

„Слики на духови“ се секундарни слики најчесто предизвикани од грешка во оптичкиот систем.