МВР со детали за трагедијата кај Радишани: Екипите се на терен, 63-годишник удри во двајца велосипедисти
Од Министерството за внатрешни работи за Прес24 ги даваат деталите во врска со трагедијата којашто се случи предмалку кај Радишани. Надлежните велат дека 63-годишник удрил во двајца велосипедисти, од којшто едниот починал на лице место, а другиот е пренесен во ургентниот центар „Мајка Тереза“.
„Во 15.48 часот е пријавено дека на обиколница, после клучка Радишани во правец кон Тетово се случила сообраќајна несреќа во која возило „мазда“ со скопски регистерски таблички управувано од Р.Р. (63) удрило во двајца велосипедисти: А.Ш. , кој починал на лице место и А.П., кој се здобил со повреди и со возило на ИМП е пренесен во ургентен центар „Мајка Тереза“, изјавија од МВР за Прес24.
Овие се првичните информации, полициски екипи се уште се на терен и вршат увид на место на настанот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
