Силен земјотрес го погоди Авганистан
Земјотрес со јачина од 5,8 степени според Рихтеровата скала го погоди регионот Хиндукуш во Авганистан, соопшти германскиот истражувачки центар за геонаукa.
Земјотресот бил на длабочина од 180 километри, додава германскиот центар.
Силни потреси се почувствувани во Кабул, главниот град на Авганистан, а земјотресот се почувствувал и во Исламабад и делови од северозападен Пакистан, како и во Њу Делхи, Индија, јавува Ројтерс повикувајќи се на очевидци.
Засега не се објавени повеќе детали.
05.01.2023 - 20:04
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
