Арсовска: Не се каам што станав градоначалничка, горда сум што разобличив некои луѓе

Градоначалничката на Град Скопје, Данела Арсовска вечерва гостуваше во емисијата „10МИНУТИ“ на ТВ21. Одговарајќи на новинарско прашање кажа дека не се кае што се кандидирала за градоначалничка, а додаде дека била и горда што успеала да разобличи некои луѓе.

„Не се каам воопшто, горда сум што успеав да разобличам некои луѓе. Покажав дека ако се сака, и без поддршка и без помош од никого, и дека ако се сака да се работи во интерес на граѓаните, да се слушаат граѓаните и да се решаваат нивните проблеми, може да се сработи и покрај сите опструкции од власта“, изјави Арсовска.