Кадрисеки е во добра состојба, без животна опасност
Претседателот на бугарското здружение во Струга, Бекир Кадриески е во стабилна состојба, не е во животна опасност, соопштија доцна синоќа од Военомедицинска академија болницата во Софија – БМА, пренесе бугарската БНТ.
Оттаму велат дека му биле направени сите потребни тестови и консултации за да се разјасни неговата состојба. Назначени се дополнителни високо специјализирани тестови за да се прецизира терапевтскиот план, додаваат од медицинската установа.
Тој вчера побара да биде лекуван во Софија, бидејќи во болницата во Струга не се грижеле многу за неговото здравје.
Тој беше нападнат на 13 јуни во Струга. Неговиот напаѓач почнал да го навредува и удира во стомакот.
Министерот за внатрешни работи Оливер Спасовски, вчера соопшти дека напаѓачот на Кадриески е идентификуван и приведен.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
