Копањето тунели стана пракса во Црна Гора: Сега ископале нов и ограбиле 200 очила за сонце

Во Подгорица дошло до несекојдневна кражба кога во текот на ноќта била ограбена продавница за оптика со копање тунел од соседниот локал.

На фотографијата што беше објавена на веб-страницата на оптиката, јасно се гледа дупката низ која поминале разбојниците, а во таа прилика одзеле над 200 парчиња очила за сонце.

– Внимавајте, заштитете ги бизнисите и продавниците, напишаа тие.

Ова многумина од Подгорица ги потсети на неодамна ископаниот тунел до зградата на Судот, исто така, во главниот град на Црна Гора.

– Да не беше смешно, ќе беше тажно. Веројатно крадците ја искористиле тактиката и нашле инспирација за нивниот грабеж. Полесно би им било да работат и да заработат отколку да го ископаат тој тунел, вели Бојан П. од Подгорица.

За целиот случај се информирани надлежните институции, а по сторителите се трага.