Силна експлозија во зграда во Ротердам

Неколку лица се повредено во експлозија што се случила доцна синоќа во станбена зграда, во Ротердам, а три се водат за исчезнати.

Како што објавуваат холандските медиуми, експлозијата се случила во автомобил во гаражата под станбениот комплекс, а потоа избувнал пожар.

Според очевидци, експлозијата се слушала на километри, а искршени се десетици прозорци на куќи во близина на местото на експлозијата и пожарот.

Регионалната служба за итни случаи ги предупреди граѓаните на големото количество чад.

Три часа по инцидентот, пожарникарите се уште се мачеа да ја стават ситуацијата под контрола.