Русија осуди украинец на 11 и пол години затвор поради шпионирање

Рускиот суд во Ростов на Дон го осуди украинскиот воен разузнавач Сергеј Кривицки на 11,5 години затвор под обвинение за шпионажа и обид за набавка на тајни ракетни компоненти за Украина, соопшти руската служба за безбедност ФСБ.

Кривицки (57) е осуден на отслужување на казната во затвор со максимална безбедност, соопшти ФСБ, пренесе агенцијата Интерфакс.

ФСБ соопшти дека Кривицки, жител на Мелитопол, бил уапсен во Ростов на Дон додека се обидувал да купи доверливи компоненти од рускиот ракетен систем земја-воздух С-300, кои треба да се прошверцуваат во Украина.