Анкета: Азијците повеќе ја сакаат Харис, отколку Трамп
Потпретседателката на САД, Камала Харис, кандидатка на Демократската партија на претседателските избори, е попопуларна кај гласачите со потекло од Азија, Хаваи и Пацифичките острови од републиканскиот кандидат и поранешен претседател, Доналд Трамп.
Новата анкета, спроведена од невладините организации „AAPI Data“ и „APIAVote“, открива дека шест од 10 гласачи имаат позитивно мислење за Харис, додека околу една третина од гласачите имаат негативно мислење за неа.
Според анкетата, тројца од 10 гласачи имаат позитивен став за Трамп, додека околу две третини имаат негативен став.
Анкетата покажува дека гласачите го поврзуваат својот културен идентитет повеќе со Харис отколку со Трамп, бидејќи околу половина од гласачите сметаат дека Харис подобро го претставува нивното потекло и култура, додека само еден од 10 го вели истото за Трамп.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
