Утре ќе се разбудиме на - 7 степени
Времето утре во Македонија ќе биде претежно облачно со појава на утринска магла долж Повардарието и по котлините. Во текот на денот маглата ќе ослаби и ќе дува слаб повремено умерен југоисточен ветер.
Утринската температура ќе се движи од минус седум до еден, а дневната од два до осум степени.
Во Скопје претпладне со појава на магла, а попладне маглата повремено ќе биде послаба и ќе преовладува облачно време. Утринската температура ќе се спушти до минус пет, а дневната ќе се искачи до два степени.
Зголемената облачност и врнежите во четврток и во петок заедно со поинтензивно струење на воздухот ќе влијаат особено на минималните температури во следните денови, па веќе во петок и сабота минималните температури насекаде ќе бидат позитивни.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
