Оружје пронајдено во објект кој бил предмет на извршување, пријавен 70-годишник

СВР Струмица поднесе кривична пријава против Т.Т.(70) од Ново Село, струмичко, поради постоење основи на сомнение за сторено кривично дело „неовластено изработување, држење, посредување и тргување со оружје и експлозивни материи“.

На 18.02.2025 во објект на катастарска парцела, која според Законот за извршување била предмет на испразнување и предавање на трето лице, на недвижност која била во сопственост на пријавениот, биле пронајдени и одземени полуавтоматска пушка, пиштол и куршуми, кои припаѓале на правен субјект избришан со стечајна постапка од регистарот на Централниот регистар, а за кои не била извршена пререгистрацијa, соопштија од полицијата.