Иванов во посета на велешката касарна

Maкедонскиот претседател и врховен командант на вооружените сили, Ѓорге Иванов придружуван од началникот на ГШ на АРМ, генерал-потполковник Горанчо Котески, денеска ќе ги посети припадниците на Командата за обука и доктрини на АРМ во касарната „Алекса Демниевски-Бауман“ во Велес.

За време на посетата, претседателот Иванов на припадниците на Командата за обука и доктрини кои извршуваат должност за време на Новогодишните празници ќе им ја честита Новата 2014 година. Предвидено е со нив да има и заеднички ручек.