Му дошле дома, го претепале, па го прегазиле со автомобил - крвава расправија во струмичко
Пред два дена околу 17 часот во струмичко, во дворот од куќата во сопственост на 53-годишниот Б.В. со автомобил “Сеат“ пристигнале 39-годишниот С.К. и 41-годишниот З.Ѓ. инаку негови сограѓани.
Според податоците од полицијата, набргу настанала расправија помеѓу двајцата насилници кои дошле и Б.В. и неговиот 29-годишен син Б.В. околу сопственост на моторцикл. Во еден момент, С.К. физички го нападнал синот удирајќи го со тупаници во пределот на лицето при што му нанел телесни повреди, а во меѓувреме, З.Ѓ. влегол во возилото, го стартувал и со истото го удрил Б.В. нанесувајќи му телесна повреда, по што избегал во непознат правец.
Физичката пресметка продолжила помеѓу останатите учесници. На С.К. му е укажана лекарска помош во Општа болница Струмица каде му се констатирани тешки телесни повреди, истиот е пренесен во Клинички центар Скопје,
Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
