Во Србија половина од младите без работа - не го продолжуваат ниту школувањето
Речиси половина од младите во Србија од 15 до 24 години се без работа, а во оваа популација, 25,1 отсто од нив, освен што се невработени, не го продолжуваат ниту школувањето, ниту се на некоја обука, изјави денеска помошникот министер за млади и спорт Снежана Клашња.
Клашња на форумот „Кариера по мерка на младите“, порача дека просекот во ЕУ на млади кои не го продолжиле школувањето, ниту се на некоја обука, а се невработени, е 13 отсто.
- Еден од основните проблеми на младите сигурно е невработеноста, а во Србија тие се 49,7 отсто. Во ЕУ невработени се околу 23 отсто од млади на возраст од 15 до 24 години, рече таа.
Таа порача дека кариерното водење на младите и советувањето е од исклучително значење, и дека Министерството за млади и спорт низ бројни проекти со разни организации, се обидува да ги зајакне механизмите за кариерно водење на младите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
