ВИДЕО: Купил нова куќа и во неа пронашол 180 стари автомобили

Еден пензиониран њујорчанец решил остатокот од животот да го помине надвор од големиот град и да замине на некое тивко место па решил да купи куќа и неколку хектари плац во Португалија.

Му се допаднала една скромна куќа, која веќе 15 години и припаѓала на државата, бидејќи по смртта на претходниот сопственик, немало да ја купи. Имањето се состоело од неколку помошни објекти, вклучувајќи и штала во која не можело да се влезе поради затворените врати.

Тој го купил целото имање, а по некое време, решил да ја отвори вратата од шталата и се изненадил кога во неа нашол вкупно 180 стари автомобили!